ఏడవకు పిన్నాడ ఏడవకు చంటాడ

ఏడవకు పిన్నాడ ఏడవకు చంటాడ,
ఏడవకు నా చిట్టీ తండ్రీ
ఏడ్చుకుంచూ ఉంటె వచ్చేది ఏంటి, 
కంటి నిండా నీళ్ళు చూడోయి, కడుపు నిండా పాలు కాదోయి.    !!ఏడవకు పిన్నాడ!!

మీ తాత మొకిరాల వెంకయ్య నడుగు,
కథలెన్నొ చెప్పేను ఆటలాడించేను
నానమ్మ నే అడుగు ప్రియమార నీకు
గురు లీల అమృతపు ధార అందించేను
రంపల్లి తాత నే రాగానే అడుగు
పిట్ట రావే అంటు రాగాలె తీసేను
అమ్మమనే అడుగు కాదంటె అలుగు
తన ఒడినె ఉయ్యాలగా చేసి ఊపమని
అందరూ కలిసి నీకన్నిటిని అందించ 
నిదుర పోర చిన్ని కృష్ణయ్య, అలక మానర బుజ్జి కన్నయ           !!ఏడవకు పిన్నాడ!!

తాతమ్మనే అడుగు తారంగం చెప్పేను
తనను తానే మరిచి నీతోటి ఆడేను 
పెద్దమ్మ పెదనాన్న కార్థన్ననే అడుగు
అర్జునుడు ఉలూచి కథలు వినిపించేరు
దీపమ్మ చిన్నికే ధైర్యంగ చెప్పు
నిను నిదురపుచ్చని తన గాత్ర మెందుకని
మీ అయ్య దూర్వాసున్నే నువ్వు అడుగు
పాటలింక చాలు పక్కకే చేరమని
అందరూ కలిసి నీకానందమే పంచ
కోడి కూసేదాక నిదరోయి, కోడి నిదరలు కాస్త మానోయి              !!ఏడవకు పిన్నాడ!!